Fort Of Chittor : Rajasthani Poem By Dr. Shakti Singh Chandawat Jodhpur. आप सगला इतिहास प्रेमीयाँ नें म्हारी घणेमान जय माताजी री...आशा करूँ म्हारी स्वरचित 'ओ गढ़ चितौड़'आपनें पसन्द आवेला पण बिना फेरबदल कियाँ इणनें महासती महारानी पद्मिनी रे भक्ताँ नें भेजाओ.... सबसूँ पहली निवण करूँ,तीर्थराज चितौड़, चारूँ धाम ज्यूँ पवित्र,धिन धिन है आ ठौड़ !! संत-सति अर सूरमा,जल्मया लाख-करोड़, सबही दुर्ग में बाँको है,जय जय गढ़ चितौड़ !! हिन्दुस्तान रौ गौरव है ओ,चित्रकूट चितौड़ , तिलक करूँ इण माटी सूँ,चंदन री आ ठौड़ !! सौलह हज़ार पद्मणीयाँ,सत् री चुन्दड़ औढ़, जौहर करनें गयी स्वर्ग में,है वो हिज चितौड़!! गौरा-बादल रे बलिदान रौ,नीं है कोई तौड़ , बप्पारावल री कर्मभोम,बाँको है ओ चितौड़!! कुम्भा राखी कीर्त इणरी,नव-खंड नें जौड़ , साँगा वाली सूरवीरता,भूले नीं ओ चितौड़ !! साँवरिया नें मौयो मीराँ,सागे इण हिज ठौड़, दुजो जौहर करुणावति रो,रंग थनें चितौड़ !! जैम्मल-पता गरजीया,राणा उदे री ठौड़ , कल्लाजी रौ न्यारो जस,गावे ओ चितौड़ !!...
टिप्पणियाँ
एक टिप्पणी भेजें